Wikitzionàriu de Acadèmia de su Sardu:Benibenius! / Benènnidos!: Difference between revisions
No edit summary Tag: Reverted |
No edit summary Tag: Reverted |
||
| Line 1: | Line 1: | ||
<span style="font-size: | <span style="font-size: 120%;">{{ParàgrafuDuasMacrobariedadis | ||
|Agiuda-sì a documentai sa lìngua sarda, conta-sì is fueddus de sa bidda tua! | |Agiuda-sì a documentai sa lìngua sarda, conta-sì is fueddus de sa bidda tua! | ||
|Azuda-nos a documentare sa llimba sarda, conta-nos sos faeddos de sa bidda tua! | |Azuda-nos a documentare sa llimba sarda, conta-nos sos faeddos de sa bidda tua! | ||
Revision as of 09:52, 20 November 2025
De su pagu, pagheddu.
Dae su pagu si faghet su meda.
Custu giassu tenit 29,417 pàginas de lemas, chi 5,663 funt pàginas de lemas primàrgius...e de pàginas ndi sigheus a aciungi dònnia dii!
Custu zassu tenet 29,417 pàzinas de lemas, chi 5,663 sun pàzinas de lemas primarzos...e de pàzinas nde sighimus a azùnghere donzi die!
Po agiudai / Pro azudare
Circai unu fueddu italianu / Chircare unu faeddu italianu
Sa faina de LemONS
Est una faina chi at a sighiri finsas in is annus infatu ca dònnia annu ant a essi aciuntus lemas nous chi mancai fiant disconnotus a sa circa o chi no eus acutu a ponni in custu giassu in custus primus duus annus de circa. Sa lessicografia est unu campu de importu mannu po su chi pertocat sa linguìstica in generali e nosu cun custa faina eus bòfiu cumentzai a arrecuperai is fueddus stòricus de su sardu, is fueddus de su connotu, de su lèssicu imperau dònnia dii de su pòpulu finsas a totu is fueddus chi ligeus in is òberas literàrias in lingua sarda. In prus eus tentu su praxeri mannu de presentai su progetu a sa comunidadi scientìfica internatzionali: in su mesi de làmpadas de su 2023 a sa de XIX Cunferèntzias Internatzionalis de is linguas de minoria (ICML) de Carmarthen in Galles (Arrènniu Auniu) ananti a is prus spertus mannus de linguìstica e sòstziu-linguìstica de totu su mundu e apustis in su mesi de cabudanni de su matessi annu a sa de XXXVIII Romanistentag de Lìpsia ananti a is prus spertus mannus de lìnguas romanzas.
S'assòtziu culturali Acadèmia de su Sardu APS cun custu progetu e custa faina de importu mannu punnat a ponni sa primu pedra de su chi unu cras at a essi su Ditzionàriu mannu de sa lingua sarda aici comenti at espressau giai in sa Carta cosa sua (cunforma a s'artìculu 2.1, a is lìteras d e e).Est una faina chi at a sighire fintzas in sos annos imbenientes; ca donzi annu an a èssere azuntos lemas noos chi mancari fin disconnotos a sa chirca o chi no amus acudidu a pònnere in custu zassu in custos primos duos annos de chirca. Sa lessicografia est unu campu de importu mannu pro su chi pertocat sa linguìstica in generale e nois cun custa faina amus chèrfidu incomintzare a recuperare sos faeddos istòricos de su sardu, sos faeddos de su connotu, de su lèssicu impreadu donzi die dae su pòpulu fintzas a totu sos faeddos chi lezimus in sas òberas literàrias in limba sarda. In prus amus àpidu su praghere mannu de presentare su progetu a sa comunidade iscientìfica internassionale: in su mese de làmpadas de su 2023 a sa de XIX Cunferèntzias Internassionales de sas lìmbas de minoria (ICML) de Carmarthen in Galles (Rennu Aunidu) addenanti a sos prus ispertos mannos de linguìstica e sòtziu-linguìstica de totu su mundu e daboi in su mese de capidanni de su matessi annu a sa de XXXVIII Romanistentag de Lìpsia addenanti a sos prus ispertos mannos de limbas romanzas.
Su sòtziu culturale Acadèmia de su Sardu APS cun custu progetu e custa faina de importu mannu impunnat a pònnere sa prima pedra de su chi unu cras at a èssere su Ditzionàriu mannu de sa limba sarda gai comente at espressadu zai in sa Carta sua (cunforma a s'artìculu 2.1, a sas lìteras d e e).