Wikitzionàriu de Acadèmia de su Sardu:S' assòtziu / Su sòtziu

De su pagu, pagheddu. Dae su pagu si faghet su meda.
De su pagu, pagheddu.
Dae su pagu si faghet su meda.


Acadèmia de su Sardu APS est un'assòtziu de promovidura sotziali nàscïu in su 2009 chi fait faina profetosa po lompi a su bilinguismu cumpriu e circa scientìfica in su campu de sa linguìstica sarda, po chi su sardu bessat lìngua ofitzali in Sardìnnia a su costau de s'italianu, batallat dònnia dii po is deretus linguìsticus de is sardofonus e po sa defensa de sa lìngua sarda fueddada e scrita. De su 2009 a oindii at imprentau gramàticas, propostas de ortografia e arrassinnas stòricu-antològicas po scriri su sardu a sa pròpiu manera, apoderendi sa dòpiu norma ortogràfica e linguìstica che a standard de sa lìngua sarda; at mandau ainnantis fainas tzìvicas po su bilinguismu cumpriu in dònnia logu de Sardìnnia (Aministratzioni pùbrica; Scola e Universidadi; Crèsia, Tribunali; sotziedadi e siendas); at stèrriu progetus de importu mannu po sa didàtica e po sa circa scientìfica.

In prus s'assòtziu Acadèmia de su Sardu APS est un'assòtziu culturali chi fait parti de su Listàrgiu ùnicu de su de tres Setoris e est duncas Enti de su de tres Setoris (ETS) etotu, cunforma a is leis de sa RAS, de su Stadu italianu e de s'Europa Aunia a cumentzai de su mesi de friàrgiu de su 2023.

Imprentas

  • Arrègulas po ortografia, fonètica, morfologia e fueddàriu de sa Norma Campidanesa de sa Lìngua sarda (2009), Alfa Editrice.
  • Su Sardu – proposta de ortografia (2017), Domus de Janas.
  • Su Sardu Standard (2019), Alfa Editrice.
  • Su Sardu, lìngua de Europa (2021), Alfa Editrice.

Progetus cumprius

  • Su sardu, lìngua de Europa (finantziau de Fondazione di Sardegna).
  • Càstia, intendi e ligi (finantziau de Fondazione di Sardegna).
  • LemONS (finantziau de Fondazione di Sardegna).

Cunferèntzias e cumbènnius internatzionalis aundi at pigau parti

  • Sa de XIX ICML (Cunferèntzia internatzionali de is lìnguas de minoria) in Carmarthen (Galles – Arrènniu Auniu) (2023).
  • Sa de XXXVIII Romanistentag de Lìpsia (Germània)(2023).

Fainas tzìvicas propostas e apoderadas

  • Po unu bilinguismu cumpriu (2018-2021)
  • Po una scola bilìngua (2018-2021).

Arreconnoscimentus de importu

  • A su lìburu Arrègulas po ortografia, fonètica, morfologia e fueddàriu de sa Norma Campidanesa de sa Lìngua sarda dd'ant afillau sa Provìntzia de Casteddu (oi Tzitadi metropolitana de Casteddu) cun delìbera nr 17 de Consillu provintziali sa dii 17 de martzu 2010 e apustis su Comunu de Cabuderra cun delìbera nr 28 de su Consillu comunali de su 20 de su mesi de làmpadas de su 2013.
  • A sa norma campidanesa de su lìburu Su Sardu Standard dd'at afillada su Comunu de Ballau cun delìbera nr 30 de su 22 de austu de su 2023.
S'assòtziu Acadèmia de su Sardu APS est meri in totu e po totu de su giassu sardu.wiki chi pertocat su LemONS (Lemàriu ortogràficu a norma de su sardu) finantziau cun su dinai de Fondazione di Sardegna. Po àteras chistionis fait a castiai su giassu suu: www.academiadesusardu.org; sa pàgina facebook e instagram cosa sua e po nosi cuntatai fait a scriri a: academiadesusardu@gmail.com e a telefonai a +39 3406942375.
Acadèmia de su Sardu APS est unu sòtziu de promovidura sotziale nàschidu in su 2009 chi faghet faina profetosa pro lòmpere a su bilinguismu cumpridu e chirca iscientìfica in su campu de sa linguìstica sarda, pro chi su sardu essat limba ufissiale in Sardìnnia a costazu de s'italianu, cumbatat donzi die pro sos deretos linguìsticos de sos sardofonos e pro s’amparu de sa limba sarda faeddada e iscrita. Dae su 2009 a die de oe at imprentadu gramàticas, propostas de ortografia e rassinnas istòricu-antològicas pro iscrìere su sardu a sa matessi manera, poderende sa dòpia norma ortogràfica e linguìstica comente a standard de sa limba sarda; at mandadu ainnantis fainas tzìvicas pro su bilinguismu cumpridu in donzi logu de Sardìnnia (Aministrassione pùbrica; Iscola e Universidade; Crèsia, Tribunale; sotziedade e asiendas); at istèrridu progetos de importu mannu pro sa didàtica e pro sa chirca iscientìfica.

In prus su sòtziu Acadèmia de su Sardu APS est unu sòtziu culturale chi faghet parte de su Listarzu ùnicu de su de tres Setores e est duncas Ente de su de tres Setores (ETS) etotu, cunforma a sas lezes de sa RAS, de s’Istadu italianu e de s'Europa Aunida a incumentzare dae su mese de frearzu de su 2023.

Imprentas

  • Arrègulas po ortografia, fonètica, morfologia e fueddàriu de sa Norma Campidanesa de sa Lìngua sarda (2009), Alfa Editrice.
  • Su Sardu – proposta de ortografia (2017), Domus de Janas.
  • Su Sardu Standard (2019), Alfa Editrice.
  • Su Sardu, lìngua de Europa (2021), Alfa Editrice.

Progetos cumpridos

  • Su sardu, lìngua de Europa (finantziadu dae Fondazione di Sardegna).
  • Càstia, intendi e ligi (finantziadu dae Fondazione di Sardegna).
  • LemONS (finantziau de Fondazione di Sardegna).

Cunferèntzias e cumbènnios internassionales inue at pigadu parte

  • Sa de XIX ICML (Cunferèntzia internassionale de sas limbas de minoria) Carmarthen (Galles – Rennu Aunidu)(2023
  • Sa de XXXVIII Romanistentag de Lìpsia (Germània)(2023).

Fainas tzìvicas propostas e apoderadas

  • Pro unu bilinguismu cumpridu (2018-2021).
  • Pro un'iscola bilìngua (2018-2021).

Reconnoschimentos de importu

  • A su lìberu Arrègulas po ortografia, fonètica, morfologia e fueddàriu de sa Norma Campidanesa de sa Lìngua sarda l'an afizadu sa Provìntzia de Casteddu (oe Tzitade metropolitana de Casteddu) cun delìbera nr 17 de su Cossizu provintziale de su 17 de martu de su 2010 e apustis su Comunu de Cabuderra cun delìbera nr 28 de su Cossizu comunale de su 20 de làmpadas de su 2013.
  • A sa norma campidanesa de su lìberu Su Sardu Standard l'at afizada su Comunu de Ballau cun delìbera nr 30 de su 22 de austu de su 2023.
Su sòtziu Acadèmia de su Sardu APS est padronu in totu e pro totu de su zassu sardu.wiki chi pertocat su LemONS (Lemàriu ortogràficu a norma de su sardu) finantziadu cun su dinari de Fondazione di Sardegna. Pro àteras chistiones faghet a abaidare su zassu sou: www.academiadesusardu.org; sa pàzina facebook e instagram sua matessi e pro nos cuntatare faghet a iscrìere a: academiadesusardu@gmail.com e a telefonare a +39 3406942375.

Leggi questa pagina in italiano
Read this page in English